Dag 19: DIE VAL VAN DIE MENSDOM

Die val van die mensdom het te doen met die dom dinge wat die mens doen en glo.  Wat die mens doen en glo is gebaseer op wat oorvertel word en op wat as voorbeeld gestel word aan kinders, met ander woorde die sondes van die vaders.  Dit gebeur deur denke, die skepping van beelde voor die menslike bewustheid wat dan deur woorde verduidelik word deur’ n prentjie te skilder.  Die strukture van beelde en woorde word dan die waarde gegee van waarheid en die mens sal sy siel verkoop om seker te maak hy/sy is reg in hulle geloof om nie deur sy medemens geoordeel te word nie. Hierdie onderliggende vrees is iets wat niemand in die openbaar will bespreek nie, want geloof is onaantasbaar en vrye spraak staan mos bo die plaas van ‘n wag voor die mond.  Die proses om reg te wees en reg te glo en die regte dinge te doen volg ‘n proses van oordeel tussen sogenaamde goed en kwaad, die boublok wat oordeel moontlik maak.  Die feit dat een ding wat vir een mens goed is, vir die ander mens kwaad is, gaan voor die oê van die mens verby sonder dat die mens die voorbeeld van oordeel raaksien as die feit van die vyeblaar en werklik verstaan wie die vyand is.  Die rede hoekom iets vir een mens goed is en vir die ander kwaad is, is meestal (nie altyd nie) gebaseer op die sondes van die vader, met ander woorde die denk patrone wat geleer is gedurende opvoeding.  Die sogenaamde sterker individu wat met manipulasie sy weg oopstoot, is gewoonlik die een wat ook die gemeenskaps – patroon vaslê.  Die feit dat gemeenskaps patrone wat deur wette geregverdig word,  volg gewoonlik op gebeure wat deur geslagte as patrone oorgedra is.  Die wette werk dus met die gevolg en die oorsaak. Die sondes van die vaders wat gebaseer is op ‘n gebrek aan die verstaan van menslike bewustheid en die prosessering van inligting, word nie verwyder nie. Deur nie die oorsaak van ’n gebrek aan verstaan te verwyder nie, kom al die mense voor as dieselfde, want hulle is dieselfde oordele geleer.

Met die dat daar met redelike sekerheid gesê word dat die mens in sonde gebore is.  Dit is nie waar nie. Die mense word as kind sonde geleer.  Die ouer is al so vasgevang in die net van denke, dat die denke patrone sonder verstaan op die kind afgedwing word.  Is dit die rede hoekom die woord denker en donker net ‘n “O” veskillend het? Ongelukkig nie ’n “O” wat die oë oopmaak nie.  Die ouer is nie eers bewus daarvan nie en noem dit optrede (as dit maar op was) instink – Ja, dit stink in – die proses om die kind in ouer te verander – van onskuld na skuld – in mens na dier – geen vermoë om die oë en ore te gebruik en God te vind as die lewe self nie.  Nou word God as ‘n persoonlikheid voorgestel met dieselfde persoonlikheid as die mens?  God wat oordeel?  Of is dit die mensdier wat oordeel.  Mensdier word wakker en sê nee vir die leerstelling wat net ‘n strik is om in ‘n gat te val wat donker is.  As jy nie weet hoe om jou lig aan te sit nie, dan gaan die gat lekker donker wees en enige een wat vir jou ‘n bietjie lig bring as verligting gaan jy glo.  So is dit met vrye keuse.  Jy mag kies wat jy wil en jou wil sal jy ervaar.  Dit is egter ook vanpas om die ervaring om te eg en die egtheid daarvan te ondersoek. Dolwe die grond om en sien of dit wel vrugbaar is en die ewebeeld van God se skepping ondersteun.  Dit is net moontlik met vermoëns wat geleer word om inligting te prosesseer en woorde met nuwe oë te sien.  So, sê nee vir die val van die mens en staan op en wees genees. Gebruik vergifnis om die gif van die vals beeld te verwyder en weier om deel te neem aan enige iets wat my en jou voorstel as minder as wat ons as God se woorde in waarheid gebring is. Die ewebeeld van God wat geseënd is.

VERHOUDINGS EN HOUDINGS

Verhoudings is waar twee of meer mense in ‘n verhouding met mekaar staan en ‘n houding aaneem van, hou van, of nie hou van nie.  Die verhouding tussen mense  bepaal met  dit waarmee ons mekaar kan identifiseer, maak nie saak wat die houding van die verhouding is nie.  Ons word gevang in verhoudings deurdat ons die houding inneem, wat van ons verwag word (verwagtinge word geskep) en as ons verwag, gaan ons ‘n beeld skep voor ons, want ons kan net die verhouding laat werk deur die houding van die beeld wat van ons verwag word, aan te neem. Dit is hoekom aanneming (aanvaarding) al vroeg by ’n kind ingekerker word.  In die proses verloor ons onsself in die oor van verloor en eindig die verhouding in stryd wat binne ons verwoedelik woed soos ons woede opkook om onsself weer te bevry.  Die weervoorspelling van so ‘n verhouding lees nie goed nie, want wat ons oor en oor die selle doen, is nou in ons selle as die houding wat ons by ander moet aanneem voor hulle ons sal aanneem en aanvaar. Die inligting wat ons in ons selle stoor het ons selfbeeld getoor (gestoor).  Die stormagtige verhoudings wat geskep word wanneer ons nie weet wat in  ons selle gestoor  is nie, is nodig, omdat ons dan mekaar help om weer die aar te vind vir ons doel op aarde en so ’n keuse het of ons aan die inligting wil vashou.  Wanneer ons weer ons aar op aarde vind, maak al die storms wat gewoed het as woede tog weer sin op die tog van die lewe en dan word die lewe weereens – die ewege of is dit ewige.  So, sê nee vir die verwagtings van ander in verhoudings en wees jouself en word genees.  Sê nee aan jou eie verwagtings in ander en sien dat dit net jou eie verwagtings is en word genees.  Sê nee vir die vals harmonie van die beeld van verhoudings en vind dit in jou wat sagkinds jou selle as kind bewaar in die liefde van die waarheid waar waar is.  Waar waar waar is, is die aar van aarde weer duidelik en sê ons nee vir aartjie na sy vaartjie en is ons dan genees van die sondes van die vaders wat ons nou al lank besoek omdat ons nie alles ondersoek om te sien wat die saak van die oor is nie, die oorsaak van alle dinge en alle houdings wat ons aanneem as ons beginpunt in ons verhoudings.  Sê nee vir die aanname en name van houdings en wees genees.  Daar is baie wee na die vader, maar o wee, die pyn totdat ons genees deur ons nees van verstaan. Wanneer die lig dan in ons opgaan, vind ons die Gees van God wat as ons gees aan ons gegee is, die ewige lewe. Dan word die woord vlees as die Woord van God, en die ou hemel gaan voor ons oë verby en n nuwe verskyn. Die nuwe verskyn net indien ons God werklik as ewebeeld dien.

SONDE EN DIE SONDES VAN DIE VADERS

‘n Son is ‘n ding wat lig skyn, nie waar nie?  ‘n Kind word in sonde gebore, nie waar nie?  Of is dit wat ons as vader/ouers ons kinders leer totdat die kind  word wat ons wil hê hulle moet wees. Wat ons ons kinders leer dra mos nie die ewebeeld van God as selfbeeld oor nie.  Die leerstelling is mos dan wat ons die sondes van die vaders noem en wat van geslag tot geslag oorgedra word tot in die sesde en die sewende geslag en die stel wat ons aftrap. Slagting op slagting het die oortuiging al op Aarde veroorsaak, maar ons kyk nie na die oorsaak nie, want dan moet ons verander en ons het nie die moed van ons oortuiging om te verander nie.  Wanneer ons nee sê vir die oordra van die manier wat ons ons beeld  skyn, die skyn wat ons glo is die lewe, kan die lig van ons verligtheid in ons inligting wys deur ons liggaam as die rots waarop die tempel van God gebou word. Die huis wat nie deur wind en weer verweer word nie en wat geen verweer nodig het nie, want dit is die tuiste van die Lewende Woord van God.  Die ewebeeld van God as die fontein van die lewe.

Hoeveel keer moet die woord wys, wat waar is?  Wanneer bou ons die waarheid van God se woord in ons lewe.  Sê nee en wees genees!  Leer hoe werk die liggaam met inligting en kyk wat se soort inligting oorgedra word van geslag tot geslag.  Elke keer los ons ‘n slagting agter wanneer ons vagevang word in die geslagtelike oordrag van sondes.  Wat ‘n ongelooflike uitdrukking van liefde wat nie verstaan of waardeer word nie.  Stop dit nou!

GELD EN VERGELDING

Geld (Om baie geld te he) is tog te lekker en as ons geld het, gebruik ons ons geld tog so maklik vir vergelding (betaal vir dit wat).  Ek gaan jou terug kry vir wat jy gedoen het veral as die persoon wat ons wil terug kry, se rug oop, is en hy het geen verdediging geldelik nie.  So, ons reg en geregtigheid het nou geld en vergelding geword.  As jy geld het, is jy reg en kan jy vir jou geregtigheid betaal.  Die geldeloses is dan die wat verag word as goddeloses.  Waaragtig is dit ‘n snaakse waarde wat ons aan papier met prentjies gee. Wie is werklik die Goddeloses.  Die pitte van die pampoen.  Sê nee vir die gebruik van geld vir vergelding en laat almal gelyk die reg tot geregtigheid kry.  So genees ons samelewing.  Ons moet tog saam lewe.  Onthou dat die geldelose nie die goddelose is nie.  Die geldelose is net die een wie se bek stilgehou word dat die ruik man kan aanhou stink.  Word mos die instink van oorlewing en die man wat stinkryk is, genoem. 

Dag 18: Die Lewende Woord as Vlees

Ek vergewe myself dat ek myself toegelaat en aanvaar het Om nie te sien wat Jesus bedoel het toe hy gesê het hy is die Lewende Woord wat Vlees geword het.

Ek vergewe myself dat ek myself toegelaat en aanvaar het Om mee te Hoor dat “Die Vlees die Lewende Woord is” en dat Bewustheid in Die Vlees gesetel is.

Ek vergewe myself dat ek myself toegelaat en aanvaar het Om nie te wil sien dat die Ouer die lewende Woord se Waarde as Vlees van die Kind bepaal en dat alle Bewyse daar is dat die Ouer nie die Vlees as Lewe voorberei nie, van generasie tot generasie word die Gene geprogrameer om te raas sonder om te sien die geheim van die skepping is in Genesis wat sê “Gene Is”, en wat deur Jesus Bevestig is as Die Lewende Woord wat Vlees geword het.

Ek vergewe myself dat ek myself toegelaat en aanvaar het Om nie Te Sien dat Elke Woord Waarde het en dat indien woorde in die vlees toegelaat word wat nie die Waarde van Lewe as wat beste vir Lewe is bevat nie, sal die mens as lewende woord die Onwaardigheid uit lewe soos dit tans wel op aarde gebeur.

Ek vergewe myself dat ek myself toegelaat en aanvaar het Om nie te Sien dat Kennis net die Mag het wat aanvaar word as waar die Mens Mag lewe en dat ons so deur ons Wette Magte losgelaat het wat die lewe vergal het en verlaag het tot waar lewe geen waarde het nie en Kennis wat misbuik word alle waarde het.

Ek vergewe myself dat ek myself toegelaat en aanvaar het Om Net te Sien dat die Magte wat as Woorde en Beelde in die Vlees losgelaat is as die Denke van die Mens die lewe in bedenklike toestand geplaas het, waar die denke van die mens die spieëlbeeld is van die Woorde wat vlees geword het, om sodoende ‘n vals beeld te plaas voor die ware beeld van die vlees, wat die Werklike Lewende Wese hier op aarde is wat nie geëer word nie.

Ek vergewe myself dat ek myself toegelaat en aanvaar het Om nie te Sien dat AFRIKAANS aan die MENSDOM weer ‘n kans gee om te wys hoe dom die mens is om Nie te Sien dat die VLEES die Werklike LEWENDE woord is

Ek stel my ten doel om te bewys dat die Lewende Woord dit wat ‘n Persoon doen, dink en praat die lewende taal is van die Vlees wat die Woord word as Lewe

Ek stel my ten doel om te bewys dat Bewustheid in die Vlees as die Hele Liggaam gesetel is

Ek stel my ten doel om Ouerskap te Lig tot die Punt waar die Lewe as Woord die Waarde van Lewe in Elke Kind se Vlees word sodat alle mense lewe dit wat beste is vir alle lewe

Ek stel my ten doel om te bewys dat die Mens altyd net gelyk is aan die Waarde van die Woorde wat Vlees geword het en dat die mens se optrede altyd een en gelyk is met die Waarde van die Vleeslike Lewende Woord

Ek stel my ten doel om te bewys dat alle Kennis wat nie gebasseer is op wat Beste is vir alle Lewe nie, gelewe sal word op Maniere wat Lewe Benadeel en die Eie Gek Bevoordeel

Ek stel my ten doel om te Bewys dat die Vals Beelde wat deur televisie en advertensies in die vlees ingeprent word, deur mense meer en meer op Barbaarse Maniere uitgeleef gaan word, wat elke persoon te eniger tyd in gevaar kan stel sonder enige waarskuwing

Ek stel my ten doel om te bewys dat on die Wêreld kan verander en ‘n plek wat lewe Eer deur die Waarde wat onw Woorde Gee met die Waarde te Meet wat altyd Beste vir alle lewe is

Ek stel my ten doel om te wys dat AFRIKAANS die Taal is wat Bewys wat die Waarde van Woorde doen Wanneer dit Vlees word en dus ‘n Taal is wat kan Verhoed dat ons die Prys betaal vir wat ons toegelaat het op aarde as die Lewe waar die Eie Gek eerste geplaas is inplaas van Lewe

Dag 17: In die Naam van Liefde

Ek vergewe myself dat ek myself toegelaat en aanvaar het om die Naam van Liefde met die Maan vergelyk het sonder om te sien dat dit gely het tot die feit dat die Mensdom met die Maan gepla is en Niks omgee vir mekaar se lewe nie

Ek vergewe myself dat ek myself toegelaat en aanvaar het om die Man as Liefdevolle wese te sien terwyl die Wêreld wys dat daar geen Liefde is wat werklik bestaan nie, net die Eie GEK wat Gek is oor Liefde om self alleen  beter te laat voel sonder om te gee wat met lewe in hierdie wêreld gebeur

Ek vergewe myself dat ek myself toegelaat en aanvaar het dat Ouer Liefde vir die Kind iets kosbaars is, terwyl nie almal op aarde kos kry nie, maar dat ek as ouer nie oor enige ander kinders omgee behalwe my eie kinders nie, asof Net Eienaarskap van my besittings as Kinders belangrik is, terwyl die lewe wat Ewe in Almal bestaan, verontagsaam word tot so ‘n Mate dat duisende daagliks sterf van Hongerte, terwyl ek lag en speel met my kinders want Geld beskerm my van die verskrikking wat die stadige dood wat Hongerte bring

Ek vergewe myself dat ek myself toegelaat en aanvaar het dat dit God se Wil is dat Hongersnood bestaan terwyl ek weet dat God niks daarmee te doen het nie. Dit hang alles af oor wie Geld het en wie nie Geld het nie. Dus is die Liefde vir Geld die sleutel tot oorlewing en daar word geen poging aangewend om ‘n oplossing in plek te stel om die Liefde wat die Planeet aan almal gelyk gee, gelyke te deel nie

Ek vergewe myself dat ek myself toegelaat en aanvaar het om vergifnis die gif te maak van Geloof in die Onsienbare, terwyl ek die sienbare vergiftiging deur my oë op te slaan na die hemel en niks te doen aan al die dinge op die aarde wat ek wel kan verander en verbeter nie, want ek stel my lewe eerste sonder om te besef dat die wat eerste was sal laaste wees, want ek het dit wat vryelik gegee is as lewe aan almal nie ondersteun as die Waarde wat dit werklik is nie

Ek vergewe myself dat ek myself toegelaat en aanvaar het om die Liefde van God ydelik te gebruik deur ydel by te staan en die leun op aarde toe te laat wat ek wel kan verander indien ek ook Liefde was, maar ek weier om die ewebeeld en geykenis as lewe te wees, wat Gee soos ek wil ontvang as die Voorbeeld van Ware Liefde, Instede lewe ek die Vals beeld van die Eie Gek, tot so ‘n mate dat ek net maatstawwe najaag wat my die Wen moet gee en seker maak ek lewe Goed, al het ek Meer Goed as wat ek ooit kan gebruik, tog weier ek om my Te Veel Goed te deel met die wat Te Min Goed het

Ek vergewe myself dat ek myself toegelaat en aanvaar het dat my Liefde vir Goed en Goeie gevoellens die Waarheid van die Leed is wat baie deurgaan op aarde, totaal vermy sodat ek nie skuldig hoef te voel nie, want volgens my het die mens persoonlik die skuld wat die mens tot in Sonde verval het nagejaag, en omdat ek Sondig is in aard, mag ek maar myself beter maak deur myself te vergoed met Goed om te bewys dat ek Goed is en God se Wil doen. Tog is die najaag van my Goed gegee om my Goed te maak en die waarmee dit sleg gaan was sleg en daarom gaan dit sleg met hulle, net soos God beplan het. Tog is dit My Planne wat indruis met die Plan-eet se plan om almal te laat eet

Ek stel my ten doel om daarop te wys dat Liefde net op Aarde sal bestaan wanneer lewe Een en Gelyk in almal geëer word

Ek stel my ten doel om te wys dat die Liefde wat die Mens najaag nie Ware Liefde is nie, maar dat dit net die gelykheid na die Eie Gek is

Ek stel my ten doel om te wys dat die Ouer die Liefde vir ‘n Kind misbruik in Eie belang om sodoende die Algemene Belang van Alle Lewe te verontagsaam

Ek stel my ten doel om te wys dat die Mens alle Hongersnood kan stop, maar omdat daar Geen Ware Liefde is nie word dit nie gedoen nie

Ek stel my ten doel om te wys dat alle geloof soos gif geword het wat lewe verontagsaam en net die Eie Gek se Belang Najaag

Ek stel my ten doel om te wys dat Elke Mens wat Hom beroep op die Liefde van God terwyl Eenheid en Gelykheid van Lewe op aarde nie ‘n werklikheid is nie, net lewens versprei in Eie Belang

Ek stel my ten doel om daarop te wys dat die Besit van Goed nie die Mens Goed maak nie, inteendeel dit bewys die Vrotheid van die mens

Dag 16: DIE WONDER VAN WONDERLIK

DIE WONDER VAN WONDERLIK

Al ooit gewonder wat wonderlik beteken?  Wonderlik is om die wonde te genees van die kere wat jy nie nee gesê het en jouself eerste gestel en jouself ge-ëer het nie.  Daar waar jy jou waarheid vertrap het vir die goeie woorde van ander en toegelaat het dat ander se woorde en dade jou wond, is die begin van wonderlik.  Wanneer jy sien dat die wond deur jouself veroorsaak is deurdat jy nie nee gesê het nie, help jou sien hoe jy jouself gewond het en vergiftig het en in hel gesit het.  Wanneer jy verstaan hoe jy jouself vergiftig het, kan jy vergifnis doen.  Met die sien van die waarheid, vergewe jouself en vergewe ook die ander wat skynbaar aan jou iets gedoen het.  Vergifnis is die sleutel om wonderlik te ervaar.  Dan lek jy nie meer jou wonde nie en wonder nie meer oor die lewe nie, want jy sien die ek van jouself wat die gif/geskenk gebring het.  Dan wonder jy nie meer oor wat môre sal bring nie, want jy voel en is wonderlik en die lewe is wonderbaar en die openbaring baar ‘n nuwe môre wat in plek is wanneer jy daar kom.  Net soos die voëls van die veld gevoer word, so is jou pad dan wonderbaar en die dade wat groter is soos deur die Meester Jesus aangedui, word duidelik en jy kan dan ook jou meeste wees en wanneer jy jou meeste is, is jy jou eie meester.  Wonderlik, is dit nie?

EK SKIET MY IN MY EIE VOET

Om te skiet het ons ‘n patroon nodig.  Wanneer ons onsself in die voet skiet, dan loop ons moeilik. Die patrone van ons lewe is in ons ingeoefen van kindsbeen af en is die patrone van die sondes van die vaders wat ons besoek tot in met die sewende geslag.  Met die slagting van die sk-ape wat kom van ape, vergeet ons ons lag.  Om die patrone te indentifi-seer en te verstaan bring die moontlikheid van genesing en vernuwing. Wanneer ons dan nee sê vir die patrone, genees ons.  Om te trots te wees om na eie patrone te kyk, is dan die troon wat die siel onttroon. Dit is een van die skille van verskillende patrone wat ons laat skildig voel en alle soorte prente van hel en vuur in ons koppe skilder. Wie skilder die prentjie? Wie verkoop die siel van die mens met n skildery wat die ewebeeld van God nie waardig is nie? Wie hou die waarheid dig met skul dig of is dit kul dig?

Patrone wat ons aanneem word onder verskillende woorde beskryf in die boek.  Wanneer jy die patroon in jouself sien, vergewe jouself dat jy jouself toegelaat het om daaraan deel te neem en sê nee elke keer as die patroon opkom om jou te onttroon as kind van God.  Onthou dat die patroon op verskillende maniere as versoekings aan jou gewys sal word deur al jou kennisse/vriende/familie en gemeenskap van goed en kwaad. Ont hou jouself dan van deelname aan die patroon deur nee te sê vir jou deelname en dan sal jy nie meer hard wees op jouself deur jouself te oordeel nie.  Wanneer ander jou oordeel, oordeel hulle net hulself – Gee aan hulle ‘n boek en bespreek die woord en die krag van die woord. Bespreek die plan van die planeet waar daar genoeg is vir almal om te eet en moenie dat die spel van n preek die waarheid van God se woord weerspreek nie. In elke woord wat ons spreek, spreek God met ons tot ons weer ons waarheid ontdek en geeneen sal verlore gaan nie.  Laat die spel van die woord nie mag oor jou hê nie, maar mag jy deur die rede van die woord vrede vind tot in alle ewigheid.

LEIERS MOET NIE LYDING BRING NIE

Waar die waarheid van enige situasie in die wêreld lyding is, moet die vraag gevra word : “Waarom laat die leiers van die wêreld toe dat die lyding plaasvind?”.  Die lyding is ‘n refleksie van die leierskap in die wêreld en as inwoners van die wêreld is dit tyd dat die mense, ek en jy, nee sê vir die soort leierskap en die toelaat van die lyding.  Dan sal die wêreld genees.  Om te begin sê ons nee in ons eie huise vir enige vorm van lyding, dan brei ons dit uit na ons woongebied, dan na ons dorpe en stede, dan na ons dorpsbestuur dan na ons provinsiebestuur, dan na ons landsbestuur, dan na ons buurstate en in die proses help ons die proses van genesing, reg oor die wêreld.  Leiers moet lei deur hul verstaan van die waarheid van die woorde wat gespreek word en hoe ons woorde ons werklikheid skep. n Werklikheid wat nie vir almal werk nie.  Met leiers wat maniere ontwikkel het om die mense in die wêreld in die donker te hou deur so min as moontlik te sê, het ‘n plan-eet geskep waar almal nie w-eet nie.  Nou dat ons wêreld in ‘n donker tyd is, weet dat ons deelneem (Ons wêreld is in ‘n donker tyd en ons neem daaraan deel) aan die skepping van die donkerte, omdat ons nie nee sê daarvoor nie en hierdie donker beeld voor as voorbeeld gebruik in plaas van die ewebeeld van God.  Weet dat daar niks verborge is wat nie bekend gemaak sal word nie.  Dus is die hou van geheime en die gebrek aan inligting onaanvaarbaar, want dit bring ‘n gebrek in ons gemeenskap.  Die gebrek aan inligting bring in ‘n gebrek aan lig wat donkerte is.  Wanneer die mens in die donker bly, word vrees’ n manier van lewe en die lig word onder die maatemmer van oordeel  gebêre wat net donkerte bring.  Die donkerte in ‘n donker tyd meet die lig van die liggaam van die mens en laat die lig van verstaan uitstaan wanneer daar nee gesê word vir die donkerte.  Die manier wat die lig onderdruk word in hierdie dae is die Groot Onderdrukking.  Openbaar jouself, genees jouself, sê nee en genees.  Onthou om ook jou kommunikasie en oordra van inligting aan ander te meet aan die lig wat dit skep en die verstaan wat dit oordra.  Om in te lig is om lig te maak.  Om te verstaan is om die lig te wees.  Die beheer van inligting skep ‘n gebrek aan lig wat donkerte bring en ons neem daaraan deel.    Is dit die oordeel?  Om te hoor en nie die lig van verstaan oor te dra nie, want on skies om deel te neem aan n gebrek van inligting waar ons voel ons het nie direkte verantwoordelikheid nie.  Dan is ons mos verlos, want ons het ons los gemaak van verantwoordelikheid. Dit is egter nie die verlossing wat Jesus die voorbeeld van was nie. Jesus is die voorbeeld van die uitleef van die ewebeeld van God met volle verstaan en ons weier om die verantwoordelikheid te neem om sy voorbeeld in word en daad te volg. Om te weier beteken om n weier veld van invloed te hê deur jou lig van verstaan te skyn en so jou naaste te verlos van die invloed van vrees en die duisternis van nie die ewebeeld van God leef nie.  Die skyn van jou lig van verstaan wat in jou hart en kop aangaan word gemeet aan jou vermoë om die inligting wat jy praat as raad uit te dra aan ander om te deel in jou verstaan sonder oordeel of skrikwekkende boodskappe van hel en vuur.  Meet jou woorde en dan jou dade aan die lig wat dit bring.  Meet jou leiers aan die lig wat hulle uitdra in hulle inligting, woorde en dade sowel as gebrek aan inligting, woorde en dade. Vir ‘n leier om te sê:” Vertrou my, ek weet beter!”, skep donkerte.  Die donkerte is die gebied van vrees en onsekerheid en is die val van die mens in die gat van vals inligting en vertroue.   Wie is tans in beheer van die wêreld?  Lig of donkerte?  Wie is ons Heer en Meester?  Lig of donkerte? Dit wat jou woorde skep en waaraan jy deelneem in jou dade dui mos aan watter deel jy neem in die wereld in jou deelname en die name wat jy daaraan gee as jou deel in oordeel.  Net jy kan jouself oordeel om ‘n nuwe keuse te maak oor hoe jy jou inligting uitdra deur die gebruik en verstaan van jou woorde.

ONTHOU OM TE ONT HOU

Wat ons van hou, het ‘n houvas op ons.  Wat ‘n houvas op ons het, het ons normaalweg van iemand anders geleer.  Wanneer ons die leer van ‘n ander klim, vind ons onsself nie en ontgin ons ‘n ander se kleim en vind nie ons eie skat van die lewe nie.  Wanneer ons kyk na die aap en die pampoen storie, sien ons dat die vashou van die pitte deur die aap hom ‘n gevangene maak van die pampoen.  Interessant noem ons geld ook pitte in Afrikaans.  As ons aan geld vashou, het geld ‘n houvas op ons. Dan beheer geld ons en word(woord) ons heer en meester wat bepaal wanneer ons die meeste is. Ons prys onself mos dan ook met hoeveel geld ons het en almal om ons moet die prys van ons geldheer betaal.

Ongelukkig is ook baie van ons in-lig-ting geba-seer op donker nuus.  Die donker nuus maak seker ons hou vas aan pitte( be-lof-tes ) van versekering wat ons toe-kom-s verseker.  Wat dit verseker is dat ons kry wat ons toekom, net ‘n pampoen.  Dan noem ons mos so ‘n per-so-on ‘n pampoenkop?  Net soos die aap se hand vassit in die pampoen, sit die sk-aap se hand nou vas vol geld in die k-luis.

Wat is so belangrik in ons definisie van onsself en ander in die lewe dat ons aan ons oordeel van ons omskrywing moet vashou? Sel-fbeeld?  Stof wat ons optof? Wat is die beeld wat ons uitdra in ons inligting? Wat is die voorbeeld wat ons s-tel? Is dit die voorbeeld van God of die beeld voor God?  Onthou dat ons inligting aan ons gegee word deur ouers, kerk, kultuur, skool, koerant, televisie, boeke, ens.  In meeste van hierdie gevalle word woorde gebruik met pr-ente om ‘n prentjie te skilder. Die woorde dra of lig uit as inligting wat verstaan word vir die liggaam van die mens of dit dra ‘n gebrek aan lig  uit wat dan donkerte en vrees  bring.  Sê nee vir enige inligting wat donkerte en vrees  bring en genees jouself van die houvas van die donkerte en vrees. Maak jouself los aan die manier wat inligting het om altyd die selle te lyk (met die selfde prentjie oor en oor word jou oor-deel ver-deel) en om in jou selle te woon as jou selfbeeld. Wanneer jy verstaan dat jou inligting bepaal wie jy is en wat jy lewe, sal jou nuwe keuse verlossing bring.  Diegene wat die gene van die mens se optrede verstaan, maak seker dat hulle die inligting beheer en is dan die heer van die optrede van die mens. Dan word die ewebeeld van God in Genesis 1 vergeet.

Weereens is dit slegs onthouding deur selfdissipline met toepassing van die ewebeeld van God wat dissipels van die lewe en lig van verstaan skep.  Die maatstaf van die maatemmer skep die manier om te sien of ons die lig van verstaan ondersteun of die donkerte as ‘n gebrek aan verstaan ondersteun.  Die vermoë om inligting te verstaan en prosesseer is die sentrale vermoë wat ontwikkel moet word sodat jou bewustheid ‘n sentrale word wat woorde met werklikheid opkoppel.  Daar voor is moed nodig, want dit beteken die opgee van ons oortuigings wat ons aan vashou, dus onthouding, dus die verwydering van dit wat ons vashou sodat ons die nuwe dag kan ingaan sonder dit wat ons onthou van gister.  Ons lewe dus elke dag sonder beinvloeding van wat  ons gister gelewe het en dit wat ons onthou as geheue waaruit ons oordeel gebore word.  Die beheer van inligting skep die situasie waar ons elke dag herinner word wat die beheerders van inligting wil hê ons inner beeld en innerlike self moet wees.

Hierdie proses is slegs ‘n proses van verstaan en is nie ‘n oordeel van diegene wat donkerte uitdra as lig nie.  Hulle verstaan nie en ons as toepassers van die inligting gee aan hulle die mag om aan ons te wys hoe ‘n gebrek aan inligting die donkerte skep. Dit skep dan aan ons die geleentheid om wakker te word en die vreugde van die wakker word te ervaar. En groot is die vreugde in die leerskares wanneer een verlore kind tuiskom en sy werlike doel op aarde ontdek. Die doel om die woorde wat hulle spreek as ewebeeld van God te lewe, en dan word die w-oor-d vlees en God openbaar homself in sy kind.

Dag 15: EK KERKER MYSELF NIE MEER IN NIE

Ja, dis ‘n riskante saak wat mens in Risland kan laat beland.  Maar ek is ‘n rissie en die kerk en kerker is ‘n donker gat vir ‘n donkie.  ‘n Donkie is ‘n wonderlike ding en laat mens wonder wat mens met jou wonde doen as jy nie nee sê nie.  Jy kerker jou in in die kerk en word onaantasbaar.  Wie kan jou in elk geval in die gat (kerker) sien waarin jy geval het.  Net jy kan jouself help en nee sê vir die misbruik van God as vreeslik/vleeslik en dan is jy nie meer oorlede nie. Dan het jy jou lewe oor want jy is wedergebore, ek wed jou volgens wet.  Hoor net die oor van oorlede, ledemaat, of is dit litmaat, die maatemmer is die maat en ma wat die lig in die liggaam onder sit?  Onder wat? Onder die maatemmer!  So ondersoek alle dinge en lig die maatemmer op dat die lig in die liggaam kan skyn en die skyn van die kerker se flitslig van oomblikke, in lig van die lewe kan wees. Laat al jou inligting net lig oordra, want dan alleen is die boodskap van bo.

  

WIE STEEK MY IN DIE RUG EN WIE STEEK EK IN DIE RUG

Wanneer ek gerugte versprei van ‘n ander, dan steek ek die persoon in die rug en wanneer ‘n ander gerugte van my versprei, steek hulle my in die rug.  Die manier wat ons gebruik, is om te skinder.  Skinder is op die woord kind gebou.  Wanneer ons nie meer die onskuld van ‘n kind in onsself en in ander sien nie, dan skinder ons.  Die rede is dat ons nie vrede in onsself het nie, en ons onsself as beter probeer sien deur gerugte van ander te versprei.  As jy gerugte van ander versprei, weet dat jy self die probleem is.  Verander van rigting oor hoe jy jouself sien en sê nee vir die gerug – dus draai jou rug op die verspreiding van gerugte.  Wees lief vir jouself en dan kan jy lief wees  vir ander.  As jy gerugte versprei, is jy nie lief vir jouself nie.  Self is die uitdrukking van bewustheid deur jou selle.  Die vlees het die gees oordonder wanneer gerugte versprei word en die donder in die oor laat ‘n mens doof.  Wees stil en weet dat ek God is.  Onthou dat in die word gebore, twee ore is en in die word oorlede net een oor.  Die uitleen van jou ore lei tot ‘n situasie waar daar net een oor oor is by die tyd van die dood.  Sê  nee vir die uitleen van ore en wees een met jouself en jou gees en jy is weergebore sonder ‘ n weersverandering van weerligstrale.  Gee jouself die vryheid van die nee van genees.  Die verspreiding van gerugte maak mense berug en skep ‘n vals beeld voor my oor hoe ek na iemand anders en myself kyk. Dit is mos nie die voorbeeld wat ek as beeld voor my wil hou nie. Tog het ek vrye wil wat my nie vry maak solank ek’ n voorbeeld leef wat streef na ‘n vals beeld uitleef. Die vals noot is mos duidelik in die toon van my woord en die gebruik van my vlees. Die storie wat soos’ n gebroke telefoon versprei wys mos wat ‘n gerug doen. As kind het ons die gebroke telefoon geleer sonder om te sien hoe ons sonde met die bure skep in al die ure wat ons vergeet van die vryheid van kinders en dan ons net laat skinder in ons taal. Laat ons taal ons so laat betaal.’ n Wag voor die mond hou jou gesond.

VOORWOORD

Voor jy hierdie woorde lees, onthou dat hierdie woorde aan jou fluister – so luister mooi hoe die klanke van die woorde die geheime van lewe oordra.  Wanneer die geheime duidelik word, sal die woorde aandui dat die vinger wys na:” hy het dit aan my gedoen”, die groot nee is wat genees.  Wanneer jy die “hy” in jou woorde sien, het jy die geheim van die lewe ontdek. Dek dan die tafel vir jouself en sit aan by die maal deur aan ander te doen wat jy aan jouself gedoen wil hê male sonder tal.  Verander jouself deur anders te kyk en te sien hoe ander net jouself is wat deur ander oë kyk.  Kyk dus na die lewe deur ander oë en hoor wat die woord oordra en jy sal jouself gedra en jou lewe en ander se lewe draagbaar maak sonder om op n draagbaar te beland.  Die woord woord is gebou op die woord oor.  “In die begin was die woord en die woord was God en as jy die begin ken, ken jy die einde”.  Solank as jou woorde die kennis van goed en kwaad uitdra, eet jy van die appel van die boom van goed en kwaad en as dit jou oogappel is, gaan jy jou kennis en woorde as werklikheid ervaar.  “Ek maak alles nuut” is die skepping van ‘n nuwe verstaan van die woord en die harmonie van die klanke van die woord as die lied van die lewe.  Skoenmaker hou jou by jou lees beteken om eers jou eie vlees te lees en die stomp uit jou eie oog te neem voor jy die splinter uit ‘n ander se oog neem. Doen dit voor jy so afgestomp is dat net geld wat stom is kan regmaak wat krom is.  Luister eers na jou eie woorde.  Haal eers die balk uit jou eie oë.  In my selle is die self geskryf deur die oortuiging van my self.  So is die sondes van die vaders oorgedra deur ‘n tuig op ons oor te sit en die verstaanbaarheid van die lewe agter ‘n beeld voor my te verskuil.  Die beeld is dan die beul wat ons blaas.  Die beul maak dan net sin as ons dit kan vergelyk met ons oortuiging.  Wanneer ons oortuiging verander, verander die beul wat ons blaas en verander die beeld wat ons voorhou.  Indien jy vind dat die beeld wat jy uitdra kan verander, weet dat dit ‘n vals beeld is.  Die beeld van die lewe is Ek is en  “Ek is dieselfde gister, vandag en more tot in alle ewigheid”.  Sê nee vir die beeld wat kan verander en wees die voorbeeld van Ek is.  Dit is die beeld waarvolgens ons geskape is en is navolgenswaardig.  Die skaap van skape is die vals beeld wat kom van ape vir na-apers wat nie’ n naaste lief het nie.  Waar ons probeer inpas in kultuur, kerk, familie en verwag dat ons selfbeeld sal verbeter deur die toedoen van ander, verloon ons ons waarheid vir n loon en verkoop ons siel vir lensie sop en die lens van ons oog sien te eng om die engele te ken.  Dit beteken dat ons onsself sien as veranderlik en dat ons optrede gebaseer is op n uiterlike stimulus.  Ons beeld word gemeet deur die uitinge van ons woorde.  Dan word die woord vlees en ons word aan ons woord gemeet in die vlees en kannie meer God se boodskap lees.  Plaas is wag voor jou mond totdat jy die woord van God verstaan en laat jou trots staan en jou woorde sal nie meer soos ‘n rots voor jou staan.  Die waarde en waarheid van die tong lê in die tweesnydende swaard wat die waarheid verdraai en jou waarheid verraai en die lewe dan swaar maak.  Kyk na die woord waar en waar die waarheid inpas en hoe jy inpas by die waarheid. Dan sal jy die aar van Aarde in die waarheid sien waar die are ryp staan vir die oes. Koes, want ek moes die moles wat die moed van ons moeder aarde en ons Vader wat in ons woon se troon bevraagteken deur die toorn aan hom toe te skryf, openbaar. Wie gaan hom nog blind staar teen ‘n vyeblaar?

Afrikaans is evolusionêr die mees direkte taal in sekere opsigte en in ander die mins direkte, vir die taal het ons hart betaal.  As ‘n taal van net oor die honderd jaar ontwikkel het uit verskillende ander tale deur die revolusionêre metode van wegbeweeg van die kerk en leerstellinge van die kerk, het ‘n nuwe revolusie veroorsaak wat ons gebring het voor die openbaring van God se woord.  Nou staan ons voor nog ‘n revolusie, nog in draai in die wiel.  Gaan ons onself weer vasvang in eksterne leerstelling of gaan ons leer uit ons woord deur te hoor en sien met ons oog deur te sien. Wie sou kon dink dat ’n taal wat ons leer praat het met die waarheid en God se woord direk  na ons sou kom en ons sou die wederkoms van die woord nie sien nie. In die boek sal jy sien hoe God met ons elke oomblik praat, maar ons is doof en wil nie hoor nie en het weereens ons geboortereg verbeur. Nou is weer tyd om God se woord in elke woord te eer, want net soos ons God se woord van die sesde dag is wat vlees geword het met eie keuse, het ons woorde gekry om God se ewebeeld uit le lewe. Waarna gaan ons strewe? Wat gaan ons erwe of gaan dit net oor erwe van grond. Al wat bly en verbly is die woord van God in alle tale, maar duideliker in Afrikaans om ons weer ‘n kans te gee om die gees van God te ontdek, want hy lig die gees wat ons mos die heilige gees gedoop het.

Engels is ‘n 1000 jaar oud en het ook groot waarde in sekere opsigte.  Die engel van engels kan Afrikaans verbreed om die harmonie te herstel in ons taal waar ons woorde te kort skiet en ons dan op ‘n spoor vat waar ons optrede nie opwys met wysheid nie. Die wyse woord is mos die padwyser.

Luister dus met jou hart en moenie jou hart verhard met die lees van hierdie woorde nie.  Dit is met hardkoppigheid waar die hart met die kop gelei word en dan ly mens weer tot jou hart deur smart die sagmoedigheid van God se liefde ontdek op die ontdekkingsreis van die lewe.  Laat jou hart jou kop lei en moenie hard wees met jouself nie. Wees ook nie hard wees met ander nie, want niemand is weeskinders nie. Ons is almal die kinders van God, want dit is al hoe lewe bestaan en almal lewe mos of is ek nou mal? Daar is geen plek wat God nie is nie en die wat kan sien waar God nie is nie, se mos dan hulle sien meer as God. Kyk om jou. Die mens het niks geskep nie en alles hier gekry, tot ons taal. Ons neem net dit wat ons gekry het en maak goed daarmee om goed te doen. So sê ons mos. Maar soms kan goed wat goed is verblind soos ons die manna net vir onsself wil hou. Dan betaal ons weer deur die beheer van die kapitaal en land in die hospital. Dit is nooit te taal/laat nie.  Verander jouself deur nee te sê vir hard wees en genees jouself en soos jy jouself genees, sal ander om jou verander in genees en met eenvoud is daar ‘n nuwe aarde en ‘n nuwe hemel.  En sien, ek maak alles nuut.  Laat die suurdeeg werk.

Dag 14 Die Nee van genees!

Die volgende klomp dae is skrywes van 1998 – 2002 wat nou vir die eerste keer gepubliseer word – geniet

Om Nee te sê, is een van die wonderlikste maniere om jouself te genees.

  Indien jy in ‘n situasie van misbruik is, sê nee aan die persoon wat jou misbruik of, as jy jouself misbruik, sê nee aan jou patroon en gewoonte om jouself te misbruik.  Indien ‘n wet, leier, kerk of kultuur jou misbruik, of enige ander wese in jou bewustheid jou misbruik, sê nee vir die misbruik en word genees van jou toelating van  misbruik. 

As ‘n besigheid of bank, of korporatiewe instelling, of man of vrou of kind jou misbruik, met woord, daad, insunuasie, indirek, swak beplanning, onregverdige wette, onregverdige korporatiewe beleid, sê nee en deel jou nee met almal om jou en jy sal weet jy is genees en almal om jou sal weet jy is genees en dit sal hulle help om ook nee te se en om sodoende ook genees te word.

Onthou om te onthou dat die toets van nee weergaan toet in jou lewe, dus as jy een keer nee gese het, gaan die toets om weer nee te se in dieselfde situasie weer opkom.  Sê nee en bly genees en blydskap sal jou oorval, want jou oor val nie meer nie en jy word nie meer oorval deur alles wat van jou verwag word nie, want jy se nee  voordat jy jou siel verkoop.

Die tuig van oortuiging!

Oortuiging is ‘n tuig wat op die oor geplaas word en verhoed dat ‘n mens hoor.  Dan dra jy net een hoed wat netjies pas by jou oortuiging.  Nou het jy moed nodig om die tuig van die oor af te haal.

Wanneer mens voor die wa bly in die tuig van jou oor, word jou gees driftig.  Die geesdriftigheid van jou gees sal die wa deur die drif trek en as jy anderkant uitkom, lyk alles anders en jy het verander, want jou oortuiging is ‘n lyk wat in die drif agtergebly het.  Die ou koeie in die drif sal nou deur jou kennisse van goed en kwaad opgehaal word om jou te toets.  Sê nee vir jou kennis van die ou koeie en ook vir jou kenisse wat die ou koeie opgrawe en wees genees.

Dan sal die lyk van jouself as die lewe anders lyk sonder dat jy jouself hoef te vergelyk met ander, alhoewel jy nog steeds steeks vasklou aan die idee om eendag as a lyk op te eindig. Bekyk hoe jy lyk en maak seker dat eindig nie die enigste manier word om die pyn te eindig(stop) nie.

Ek getuig dat my oortuiging myne is en slegs as padwyser dien vir ander. Moet dus nie teen my getuig as jou oortuiging anders is nie. Net die harmonie van ons oor van wat ons hoor, weeg die tuig oor ons oor. Oorweeg dit dus om harmonie na te jaag ten koste van alle oortuigings sodat jy die rede vir vrede kan vind in die oorweging van harmoniee van jou lewe.

Nee,nee,nee, ek genees nou. Nee vir die tuig op ander ore. Ek is hergebore. Nee vir vrees,want ek is meer as net vlees. Nee vir pyn, want ek verstaan nou die geheim van my lewe. Nee vir die man wat my leer deur my te manipuleer. Ek klim my eie leer en soos die leerskare  toekyk ,vergeet hulle om hulle eie leer te klim.

Almal onthou eendag dat hulle mal was om nie wat was in die was te los nie en om te wees wat is, is nie wat was nie. Dus sal n goeie was van n kopwasser ,die kop los maak met n oplossing wat verlossing bring. Los dus die verlede deur die lede/dele van die verlede in die verlede te los en nee te se vir lidmaatskap aan die klub as ledemaat van wat was en wat nie is nie.

Die maatemmer van ledemate is op die verlede baseer en maak net seer as die basnoot in hierdie tyd van nood nie verstaan word nie.

Deur die maatemmer van my ledemate word ek leed aangedoen omdat ek nie nee se vir die maatemmer nie en kies om deel te neem aan die oordeel van die ledemaat. En die oordeel van die ledemaat is gebaseer op die maatemmer wat alle lig en verligting onderdruk in my liggaam.

Ek byt op my lip!

Al ooit op jou lip gebyt, maar op dieselle tyd gedink “Ek gaan die ou moer!”?  Die moersleutel is die sleutel om hierdie selle patroon uit jou selle te kry.  Dan sal jy nooit weer se, “Die gees is gewillig mar die vlees is swak”.  Vreeslik waar of is dit vleeslik waar? 

Sê jou sê en gee die ou lip.   Om jou lip te byt, gaan jou eers laat bykom wanneer die bloed vloei en dan gaan jy sommer ‘n ander ou wil bykom.  Die eerste lipbyt het ‘n berg geword, want jy het al die moergedagtes tot vandag gebere, want jy het gedag jy kannie Nee sê nie.  Sê nee vir die ou en moer hom met jou nees.  As jou neus loop, weet dat jy nie nee sê nie.  My neus loop weg.  Stop daai moer, en sleutel ‘n nuwe kode in jou selle in.

Onthou om ‘Save’ te druk as die nuwe kode gesleutel is en dan is jy van jouself gered en ‘Saved’ en die mure van Jericho wankel en bewe met die sewende trompet.  Die val van die mure van ons “Kul jou hier, kul jou daar”-kultuur en  ervaar jy die redding van jouself deur jou selle en deur nee te se vir dieselle optrede wat nie op is nie.

  Watter deur gaan jy oopmaak?

Dag 13: Die Geboorte van die KIND van die MENS

Ek vergewe myself dat ek myself toegelaat en aanvaar het om NIE TE SIEN dat ELKE kind wat gebore word op AARDE HIER ARRIVEER sonder ‘n Naam, SONDER ‘n Opvoeding, SONDER Geld, SONDER Godsdiens, SONDER ‘n Kultuur. SONDER Voorkeure en Afkeure en dat ALLES wat die kind gaan word en lewe deur die gemeenskap en die AANVAARDE WȆRELD, BEPAAL word

Ek vergewe myself dat ek myself toegelaat het en aanvaar het dat die GEMEENSKAP op AARDE die GEMENE DELER is wat aandui hoe GOEDERE OP AARDE VERDEEL word. Die VERDELING wys HOE die AANVAARDE NATUUR van die Mens Funksioneer.VERDER wys die VERLEDE as die Geskiedenis van die Mens dat die MENS die ENIGSTE DEELNEMER is WAT al die LEED op Aarde veroorsaak deur die GOED wat Vrylik deur die Skepping GEGEE word, nie GELYK te verdeel nie

Die Ongelyke verdeling veroorsaak dat Lewe NIE EWEWAARDIG is nie en selfs toetaal waardeloos geword het

Ek vergewe myself dat ek myself toegelaat en aanvaar het om NIE TE SIEN dat ek my MEDEMENS deur Ongelyke Verdeling LEED veroorsaak deur nie Mede DEELSAAM te wees met ELKE KIND wat gebore word nie en DUS deur die GIERIGHEID van RYKDOM en EIENAARSKAP bepaald DEELNEEM aan Kindermishandeling deurdat elke KIND wat gebore word sonder ‘n gelyke genoegsame DEEL, se Lewe VERDOEM is terwyl ek as Ryke dit wat die Aarde VERNIET in gelyke Maat verskaf vat vir Myself sonder ENIGE MEEGEVOEL of Skuldgevoel. Dit terwyl die AARDE ONVOORWAARDELIK ALLES verskaf

Ek vergewe myself dat ek Myself toegelaat het en aanvaar het om die Wette van die GEMEENSKAP so IN TE STEL dat dit Rykdom beskerm as EIENAARSKAP en GELD en dat ek WEIER om te sien watse NAARHEID die EIE gek skep met die ongelykheid wat so ingestel word. Die Domheid van die Ryke bewys hiermee waarom die Ryk Man NOOIT die EWEGE LEWE sal binnegaan nie, want die Ryke GEE nie ‘n EWE LEWE aan ALMAL nie en MISHANDEL Die LEWE met HARTSTOG

Ek vergewe myself dat ek myself toegelaat en aanvaar het om ‘n HIERARGIE op AARDE toe te laat wat aandui dat HIER RAAR GEGEE word ten spyte daarvan dat alles van waarde GRATIS deur AARDE VOORSIEN WORD EN SELF Jesus gesê het dat die lewe is om te Gee soos jy wil ontvang om te bewys dat ons wel omgee vir die lewe, tog word rykdom die Grootste Strewe van die MENSDOM wat bewys Hoe Dom die mens is om die EIE GEK en nie die LEWE EWE EERSTE te stel nie en dus die geboorte reg van EWIGE LEWE vir ‘n pot lensie sop verkwansel, self op die KANSEL en alle KANSE verspeel om ooit Hemel as Aarde te vestig en Skep

Ek vergewe myself dat ek myself toegelaat het en aanvaar het om Kindermishandeling deel te maak van die lewe deur die geldgod te eer as eerste bo alle lewe, en sodoende die lewe as self in euwel verander het sonder enige meegevoel vir my Naaste wat moet EET om te Lewe en ewe soos ek op die PLAN – EET AARDE, Tog het ek my AARD van gierigheid op AARDE gevestig SONDER LIEFDE en die LIEFDE van die EIE GEK gemaak wat soek net vir my EIE GEK SE VOLDOENING

Ek vergewe myself dat ek myself toegelaat het en aanvaar het om nie te sien dat in die dierbaarheid van die kind, die gemeenskaplikheid wat die mens met die dier het, waar die liggaam en die gelyk afhanklik is om te lewe van dit wat deur die aarde voorsien word en dat mens en dier dus as lewe gelyk is in afhanklikheid en dat die kop as meester van bewustheid dus hier is om seker te maak as verteenwoordiger, as ewe beeld en gelykenis van god met die verantwoordelikheid van dit, wat vrylik voorsien word, gelyk te verdeel tussen alle diere sodat die lewe werklik dierbaar kan wees vir almal wat hulself duidelik op die planeet aarde bevind en dan sodoende te bewys dat die ewebeeld en gelyke van God die verantwoordelikheid wat daarmee gaan, wel aanvaar word, want dit is die sleutel tot die ewige lewe en is waarom Jesus gesê het “ek is die weg, die waarheid en die lewe”, want hy het dit gestel dat daar moet gegee word soos mens ontvang, want dit bewys die liefde van god en sonder die liefde van die ewe sal die ewige lewe nooit wees nie en elke mens sal ‘n weeskind wees net soos dit nou gedoen word met elke kind wat mishandel word deur dat lewens belangrike basiese behoeftes nie vir elke kind gelyk voorsien word nie

Ek vergewe myself dat ek myself toegelaat het en aanvaar het om NIE TE SIEN dat in die DIERBAARHEID van die KIND, die Gemeenskaplikheid van Mens en Dier Bewys word en dat die KIND eers Mens word wanneer die Euwel van die VOORSATE in die KOP INGEPRENT word deur die OUERS en die GEMEENSKAP. Beide die DIER EN DIE Menslike LIGGAAM is AFHANKLIK VAN wat die AARDE verskaf as KOS en SUURSTOF in GELYKE MAAT, die Voorsienigheid van die AARDE. Onvoorwaardelik GELYK. Die Mens as MEESTER van die AARDE deur BEWUSTHEID is dus die VERTEENWOORDIGER van die Skepper as die Ewebeeld en Gelykenis, om dit wat Vrylik voorsien word GELYK te verdeel, sodat die Lewe vir ALML DIERBAAR kan wees met Gelyke Geleentheid om die Lewe te GENIET en te Ervaar. Hiermee moet die Mens sy Lewenswaardigheid Bewys as Ewebeeld en Gelykenis as die Verantwoordelikheid vir Lewe. Dit is die SLEUTEL  tot die EWEGE LEWE is waarom Jesus gesê het “Ek is die weg, die waarheid EN DIE LEWE” met die WEG  as OM TE GEE soos jy wil ontvang. Dit is die ENIGSTE WARE LIEFDE want LIEFDE is OM TE GEE en solank daar nie om gegee word vir Elke Wese nie, Sal Liefde op Aarde nie bestaan nie

Ek stel my ten doel om aan die hart van elke mens te klop en daarop te wys dat die mens se hart verhard het met die idee dat harde werk die mens die reg gee om die hart te verhard en sodoende van die minder bevoorregtes die lewensnoodsaaklike te ontneem sonder dat die wat het enige skuldgevoel daaroor het, selfs al het die ryke die eiendom en kos met skuld gekoop, bly die ryke nog steeds sonder enige meegevoel met die arme, en dit net oor harde werk wat harte verhard

Ek stel my ten doel om die mensdom daarop te wys dat die boodskap van Jesus nooit lewenswaardig geword het nie, want die eie gek het die hart verhard om net die rykdom na te jaag ten koste van elke kind wat gebore word sonder die basiese reg tot lewe

Ek stel my ten doel om daarop te wys dat ons die liefde met bewys te wys, dat ons verstaan om te gee is om te ontvang en dat ons dus omgee

Ek stel my ten doel om daarop te wys dat die tyd uitgeloop het en dat die lewe die laaste lewe en laaste kans is vir elke een om te bewys, wat ons kies is die lewe of die ewege dood, ek verstaan die ewege dood is die verbanning van die deelname aan lewe in totale alleenheid in die woestyn

Ek stel my ten doel om daarop te wys dat die vrug van die boom van die lewe net beskikbaar is vir die mens wat omgee en dat die wat nie omgee, nie sal kry wat hul kies in die woeste tuin nie. Dit is die wet van eenheid en gelykheid– jy is altyd een en gelyk met wat jy gee/kies